मी सावरकर – एक “अभिनव” वक्तृत्वस्पर्धा –
वर्ष तिसरे: २०१९-२०२०
स्वानंद चॅरिटेबल ट्रस्ट, डेक्कन एज्युकेशन सोसायटी आणि हिंदू हेल्पलाईन यांचे विद्यमाने स्वातंत्र्यवीर सावरकर ह्यांच्या १३५ व्या जयंती निमित्ताने मी सावरकर – एक “अभिनव” वक्तृत्वस्पर्धा मागील दोन वर्षे संपन्न झाली.
सावरकर हे विज्ञाननिष्ठ आणि नवीन तंत्रज्ञानाचे पुरस्कर्ते असल्या कारणाने व्हाट्सअँप हे आधुनिक माध्यम वापरण्याची प्रेरणा मिळाली. स्पर्धेला अत्यंत उत्साहवर्धक आणि भरभरून प्रतिसाद सर्वच गटातून, तसेच महाराष्ट्र आणि विविध इतर राज्ये आणि परदेशातूनही मिळाला.
मी सावररकर ह्या अभिनव वक्तृत्व स्पर्धेचे तिसरे चरण नोव्हेंबर २०१९ ते फेब्रुवारी २०२० ह्या कालावधीमध्ये आयोजित केले आहे. वक्तृत्व सादरीकरणामध्ये विविध विषयांबरोबर काव्य निरूपण सुद्धा समाविष्ट करण्यात आले आहे. वक्तृत्व स्पर्धेसोबत वीर सावरकरांच्या नाट्यवाचनाचे सादरीकरण करण्यासाठी एक विशेष गट आणि पारितोषिक आयोजित केले आहे.
स्पर्धा व्हाट्सअँप च्या माध्यमातून घेतली जाईल. स्पर्धेच्या मुख्य भाषणासाठी सात मिनिटाचा आणि नाट्य वाचनासाठी दहा मिनिटांचा कालावधी दिलेला आहे. स्पर्धा मराठी, हिंदी आणि इंग्रजी या माध्यमामधून सहभागास खुली आहे आणि जगभरातून कुठूनही आपण प्रवेशिका पाठवू शकता.